ສູນສົ່ງເສີມວາລະສານວິທະຍາສາດ ມຊ ພົບປະແລກປ່ຽນກັບຄະນະອາຈານ ຈາກມະຫາວິທະຍາໄລສະຫວັນນະເຂດ

 

ວັນທີ 12 ພະຈິກ 2025 ຜ່ານມາ, ສູນສົ່ງເສີມວາລະສານວິທະຍາທະຍາສາດ ມະຫາວິທະຍາໄລແຫ່ງຊາດ (ມຊ) ນຳໂດຍ ທ່ານ ແກ້ວພູທອນ ຫາທາລົງ ຜູ້ອຳນວຍການສູນພ້ອມດ້ວຍຄະນະ ໄດ້ຕ້ອນຮັບການພົບປະແລກປ່ຽນກັບຄະນະອາຈານ ຈາກມະຫາວິທະຍາໄລສະຫວັນນະເຂດ (ມຂ) ນຳໂດຍທ່ານ ປອ. ລັດສະໜີ ພອນໄຊ ຮອງຫົວໜ້າຫ້ອງການຄຸ້ມຄອງວິຊາການ ມຂ ແລະຄະນະອາຈານທີ່ກ່ຽວຂ້ອງທີ່ຫ້ອງປະຊຸມ ສຳນັກງານອະທິການບໍດີ ມຊ.


ໃນໂອກາດນີ້, ທ່ານ ແກ້ວພູທອນ ຫາທາລົງ ກໍໄດ້ນຳສະເໜີພາບລວມຂອງສູນ ໂດຍສະເພາະໂຄງປະກອບວຽກງານ, ໜ່ວຍງານ ແລະການດຳເນີນວຽກງານຂອງສູຸນ. ໃນປັດຈຸບັນ ມຊ ມີວາລະສານທັງໝົດ 15 ວາລະສານຄື: 

ວາລະສານວິທະຍາສາດສັງຄົມ ມຊ -E-Journal

ວາລະສານວິທະຍາສາດທໍາມະຊາດ  ມຊ -E-Journal

ວາລະສານວິທະຍາສາດສັງຄົມ (ພາສາອັງກິດ) ມຊ -E-Journal

ວາລະສານວິທະຍາສາດທໍາມະຊາດ (ພາສາອັງກິດ) ມຊ -E-Journal

ວາລະສານອາຊຽນ (ພາສາອັງກິດ) ມຊ -E-Journal

ວາລະສານເສດຖະສາດ ແລະ ບໍລິຫານທຸລະກິດ (ພາສາອັງກິດ) ຄສບ -E-Journal

ວາລະສານວິທະຍາສາດສັງຄົມ (ຄສຄ)

ວາລະສານ ວິທະຍາສາດສຶກສາສາດ (ຄສສ)

ວາລະສານວິທະຍາສາດກະສິກໍາ, ເຕັກໂນໂລຊີ ແລະ ການພັດທະນາ (ຄກສ)

ວາລະສານກົດໝາຍ (ຄນລ) - E-Journal

ວາລະສານເສດຖະສາດ ແລະ ບໍລິຫານທຸລະກິດ (ຄສບ)

ວາລະສານພາສາ, ວັດທະນະທໍາ ແລະ ສື່ມວນຊົນ (ຄອສ)

ວາລະສານວິທະຍາສາດ ແລະ ເຕັກໂນໂລຊີ (ຄວທ)

ວາລະສານສິ່ງແວດລ້ອມ ແລະ ການພັດທະນາ (ຄສວ)

ໂດຍການຄວບຄຸມ ແລະເບິ່ງແຍງ ຂອງສູນສົ່ງເສີມວາລະສານເປັນຫຼັກ ເປັນຈຸດສູນການໃນການເຜີຍແຜ່ຜົນງານການຄົ້ນຄວ້າວິໄຈ ຂອງພະນັກງານ, ຄູ-ອາຈານ ທົ່ວ ມຊ ລວມທັງການກວດແກ້-ຕີພີມ ບົດຈົບຊັ້ນຂອງນັກສຶກສາ ໃນລະປະລິນຍາໂທ ແລະປະລິນຍາເອກ. ຫຼັງຈາກນັ້ນ, ທັງສອງຝ່າຍກໍໄດ້ປຶກສາຫາລືກັນເພື່ອຮ່ວມມືໃນອະນາຄົດອີກດ້ວຍ. 


Popular posts from this blog

NUOL and KMUTT Leadership Meet to Renew Academic Cooperation

ສຳເລັດດ້ວຍຜົນດີ! ຄະນະວິທະຍາສາດສິ່ງແວດລ້ອມ ຈັດຝຶກອົບຮົມ E-Journal, ພ້ອມເດິນໜ້າບໍລິຫານວາລະສານ “LJED” ສູ່ມາດຕະຖານສາກົນ

Lao Language and Culture Department hosted a workshop on Website Journal Design and Content Development for Journal Website System Management and Public Accessibility